| A corredo dell'ottimo resoconto di Steven, il testo, spero corretto, di
REGINELLA:
Te si' fatta na vesta scullata, nu cappiello cu 'e nastre e cu 'e rrose... stive 'mmiez'a tre o quatto sciantose e parlave francese...è accussí?
Fuje ll'autriere ca t'aggio 'ncuntrata fuje ll'autriere a Tuleto, 'gnorsí...
T'agge vuluto bene a te! Tu mm'hê vuluto bene a me! Mo nun ce amammo cchiù, ma ê vvote tu, distrattamente, pienze a me!...
Reginè', quanno stive cu mico, nun magnave ca pane e cerase... Nuje campávamo 'e vase, e che vase! Tu cantave e chiagnive pe' me!
E 'o cardillo cantava cu tico: "Reginella 'o vò' bene a stu rre!"
T'agge vuluto bene a te!
Oje cardillo, a chi aspiette stasera? nun 'o vvide? aggio aperta 'a cajóla! Reginella è vulata? e tu vola! vola e canta...nun chiagnere ccá:
T'hê 'a truvá na padrona sincera ch'è cchiù degna 'e sentirte 'e cantá...
T'agge vuluto bene a te!
........................................................
E quello di "TE VOGLIO BENE ASSAJE"
'Nzomma songh'io lo fauzo? Appila, sié' maesta: Ca ll'arta toja è chesta Lo dico 'mmeretá. Io jastemmá vorría lo juorno che t'amaje!
Io te voglio bene assaje... e tu nun pienze a me!
Pecché quanno mme vide, te 'ngrife comm'a jatt'? Nenné', che t'aggio fatto, ca nun mme puó' vedé?! Io t'aggio amato tanto... Si t'amo tu lo ssaje!
Io te voglio bene assaje... e tu non pienze a me!
La notte tutti dormono, ma io che vuó' durmire?! Penzanno a nénna mia, mme sento ascevolí! Li quarte d'ora sonano a uno, a duje, a tre...
Io te voglio bene assaje... e tu non pienze a me!
Recòrdate lo juorno ca stive a me becino, e te scorréano, 'nzino, le llacreme, accossí!... Deciste a me: "Non chiagnere, ca tu lo mio sarraje..."
Io te voglio bene assaje... e tu non pienze a me!
Guárdame 'nfaccia e vide comme sòngo arredutto: Sicco, peliento e brutto, nennélla mia, pe' te! Cusuto a filo duppio, co' te mme vedarraje... Io te voglio bene assaje... e tu non pienze a me!
Saccio ca non vuó' scennere la grada quanno è scuro... Vatténne muro muro, appòjate 'ncuoll'a me... Tu, n'ommo comm'a chisto, addó' lo trovarraje?
Io te voglio bene asssaje... e tu non pienze a me!
Quanno só' fatto cennere, tanno mme chiagnarraje... Tanno addimmannarraje: Nennillo mio addó' è?! La fossa mia tu arape e llá mme trovarraje...
Io te voglio bene assaje... e tu non pienze a me!
Edited by Robert81 - 13/7/2009, 15:24
|